Ate Charo 01

Dear Ate Charo,

Magandang gabi sa iyo, ate charo. Andito po ako upang ikwento ang aking pinagdaanan ngayong araw na ito. Sa totoo lang po, halo-halo ang aking naramdaman.

May mga pag kakataon po talaga na i feel so sad, minsan masaya, minsan na i-erna. Ate charo, magulo pero alam kong hindi kumpleto ang araw ko kung isa lamang sa mga yan ang akin naramdaman. 5 am ng ako ay magising upang maglalakad sa bakuran at magpakain ng mga alaga kong Koi. Doon ko naramdaman ang lungkot, ate charo. Hirap na hirap ako bumangon sa aking  Baldacchino Supreme, marahil dala ito ng katandaan o di naman kaya ay dahil sa dekorasyon ng kama ko na may 107 kg of 24k gold at ang sapin ay made from finest Italian silk and cotton. Sabi ko kay inay nung una palang na wag na bilhin, okay naman akong mahiga sa pera. Baka ipa-raffle ko na lang yang kama na yan. She's so kulit talaga.

Before akong lumabas sa garden ay kinailangan ko munang maghugas ng kamay sa aking rock crystal sink, ate charo. Habang naglalakad ako papunta sa aking cr, may napansin akong kakaiba sa sahig, nakakalat nanaman ang mga diyamante. Malamang kalat nanaman ito ng mga kapatid ko na naglaro ng sungka kagabi. Pero nasaan ba si yaya?  Di man lang nya nilinis 'to. My goodness, ate charo! Kay aga aga kong nainis. I hate it! Kung sana tinanggap nalang kita noong nag apply ka sa akin bilang kasambahay, malamang hindi ako naiinis ng ganito ngayon. Eyniwey, inignore ko na lang ang mga diyamanteng nakakakalat sa sahig and I gracefully ran papunta sa cr. Ate charo, you won't believe it! Basa ang aking sink! I mean may someone na gumamit ng aking cr. Hindi ko na kinaya, sumabog ako na parang confetti sa party. 

Nagpatawag ako ng emergency meeting, kasama ang mga kaibigan kong sina Henry Sy, Lucio Tan at Beatrice Campos para mag bigay ng moral support sa akin.  Pumasok ako sa meeting room suot ang aking diamond frock dress at kitang kita ko ang inggit sa mga mata ni Rosalinda Baldoz, DOLE Sec. at taga pag tanggol ni yaya.

Mga 2 oras nagtagal ang aming meeting. Matapos ang kanya kanyang opinyon tungkol sa iba't ibang issue tulad ng pag lakas ng piso laban sa dolyar at kung gaano kaalat ang clover bits, napag desisyonan namin na ipa general check up si yaya. Lahat ng test pinagawa ko sa doctor, ate charo. Pina CAT scan, MRI, X-ray, CBC, Mammogram, Fecalysis, Urinalysis, HIV, Drug Test  at Comprehensive exam. Pero para makasigurong ligtas at maliksi si inday ay pinag dagdagan ko pa ang test na ginawa sa kanya pinacheck ko sya for Malaria, Schilling Test, Sex Hormone Test, Ebola virus disease, rabies, etc.

Ilang linggo din ang kailangan naming hintayin, ate charo. Sana lang maayos ang resulta, gusto ko pa makasama ng matagal si yaya. Pag nawala sya, sino na lang ang maghahanda ng mga diyamanteng ipapakain ko sa mga koi, ate charo? Gulong gulo ako ngayon. Di ko alam ang gagawin. 

Ibabahagi ko sa iyo ang resulta ng mga exams ni yaya sa aking susunod na pagsulat.

Nagmamahal,
Madame Claudia


P.S.

Sana gawin mong TV Series ang kwento ni inday. Mga 3 episode per season para masabik ang mga tao. Thank you!